19號嘅預產期,到20號朝早去一門做檢查 我話感覺成日有野流 醫生用試紙測話我好似穿羊水要我即刻入院 係三樓就比人直接推左上六樓 上到做胎監等檢查然後第一次內檢 真心痛 哎到出面都聽到。然後到3點几醫生查房再內檢多次 眼淚都流埋 又話吾似穿水 叫我留院一晚 到21號朝早醫生黎就只係問我夜晚仲有冇感覺有野流出黎我就話冇 佢話同我做掃描睇羊水叫我留多日。我滿心歡喜諗住可以出院結果又係留係到 最慘係我等左成日最後冇人帶我去掃描 白白浪費左一日。到22號朝早7點半突然痛醒 十分中一次以為係宮縮 到醫生黎我就同佢講 佢就問我想吾想出院我話想 佢就話帶我去掃描睇下羊水 再做個胎監 冇事就出院等後日番黎催生。點知醫生一走我又就開始痛 10點25分開始每五分中痛一次 之后落去做完掃描再番上黎做胎監 我已經痛到郁吾到 但係胎監顯示我宮縮一啲都吾強 得小小 但係個肚下面就直痛 直到痛到3點醫生再黎查房佢話我明明宮縮吾強點解會咁痛 就話檢查下 點知一檢查就講話原來已經開左宮口4指 要入產房等 問我打吾打無痛 我老公就話我怕痛就打 我就決定打 3點半左右入去 一直痛到我哎哂救命 問麻醉師係邊 姑娘一直話麻醉師做緊手術 未得閒上黎 到5點15分我哎到拆哂天咁又咬手臂又咬衫 姑娘幫我再睇已經開到7指 冇得打無痛。我睇住自己哎到喉嚨都痛 但係隔離床因為有打無痛而冇反應我真心覺得自己好慘。到7點几8點左右已經開左10指 因為隔離床早過我開到10指所以幫佢接生先 聽到佢個Bb喊我就一直同Bb講要加油 爸爸等緊我地 到8點半多啲終於出世了 醫生將Bb放係我個肚到 我望住佢覺得好神奇 居然柯左一隻Bb出黎 之後一直望住佢訓係到 一直哎 冇側切 有撕裂 開頭鏠針都係有感覺吾痛 到最後痛到我哎 接生個醫生都話我只係撕裂鏠几針都哎到咁 如果要側切我會拆左個產房 但係我知道我鏠針時間係比隔離床快好多 之後Bb就比人帶走左 我就係等比人推入病房。
打得好長添 不過都想同大家分享下我嘅生B過程。
祝大家都可以生個肥肥白白健健康康嘅Bb
更多>>
更多>>