今晚食晚饭家公又系度喊我翻广州生BB,老公系广西梧州噶,我地两个都系广州户口。因我公婆工作关系目前系梧州待产,都打算系梧州生,虽然系广州有房,但离医院几个公交站,老公又只有15日护理假,诸多因素之下都系系梧州生保障。但系,家公一直话出世纸会影响BB出国噶?又话梧州政策无广州好,到时出国麻烦!我顶,我直接话又唔系过香港生美国生,出国边个睇你系广州定梧州啊,而且大把人北京上海户口都翻乡下生啦。距头先仲要喊我老公入距房间,睇百度百科出世纸噶重要性,仲要话我都系为你地下一代好,唔通咁都错。哎,真心顶距唔顺啊,乜都管。我要37周先可以请产假,开车翻广州要四个钟,万一路上生呢?我老公就得15日假期点算得准几时请假翻广州待产啊?广州间屋又超细,又唔方便,生完出院唔通又马上开几个钟车翻梧州做月啊?
更多>>
更多>>