二胎預產期係三月頭,大寶依家1歲兩個月,因為一胎係讓家婆照顧坐月,大家都知道家婆係公認的回奶神器,而且唔識得照顧我又唔識湊細路,人地教距又唔聽乜都自以為是,大寶未出月果陣又話喂橙汁又話喂蜂蜜水,坐月每日湯水就係雞湯,叫距煲章魚,豬腳湯可以催奶,距話唔明點解豬腳會催奶,一直都唔煲,所以大寶飲左一星期人奶就無奶喂!依家二胎肯定唔會叫距幫我坐月,就係唔知請月嫂好定叫媽媽照顧好,因為請月嫂都唔少錢,但又唔想辛苦自己媽媽,同埋坐月果陣大寶穩邊個湊好?實在唔放心家婆湊距,大寶6個月食米糊開始,家婆已經米糊當正餐咁喂,搞到大寶一日先飲兩餐奶,叫距喂少d輔食,盡量黎加多餐奶,又話飲咁多奶做咩啊,死都唔喂,搞到大寶6個月開始差唔多兩個月先重一斤,果陣要返工無計!懷二胎開始我自己湊翻大寶,體重先慢慢追翻,大家有咩方法,坐月果陣我可以照顧到大寶又可以安心坐月照顧二寶???
更多>>
更多>>