我喺31周彩超时查出脐带绕颈一周,寻日觉得胎动少,吓到即刻搵熟人照B超。虽然最尾皆大欢喜,但係都已经吓到鼻哥窿无肉,尤有余悸。我宜家已经36周+了,预约佐38周+彩超复查,寻日话阿b已经係头位,但係唔知入盆未。礼拜一睇杜鹃时,啱好听到佢同一个宝妈好详细咁解释脐带绕颈问题。大致意思係如果脐带短,顺产时阿b出世就会有箍颈造成窒息可能;如果够长,就基本唔使担心了。但脐带长度,係无办法准确测出嚟噶。呢个风险,就要我哋自己衡量,自己同家属沟通后再选择顺定剖。各位曾经有,或者已经定佐顺或者剖噶宝妈,想问下各位:阿b宜家仲有无可能从脐带度绕返出嚟?绕颈一周,实质严唔严重呢?屋企宜家意见唔统一,两边各係五五波,我唔惊俾人劏一刀,就惊剖腹bb将来免疫力健康方面无顺产bb咁好。麻烦各位宝妈发表下高见啦。
更多>>
更多>>