我系二胎妈妈!一胎15年生,当时建档嘅准生证同免费孕检卡同社保就诊确认比依家麻烦很多!依家可能开放二胎,所以大部分流程都简化了!首先讲下我一胎嘅准生证问题,因为我老公二婚,我系初婚,所以办准生证要两个居委会申请,申请之后要公示十五日,我自己户口居委会比较好办,就系我老公哩边嘅村委会负责计生部分嘅人比较痴线!又要我乜审查乜证明!然后去完村委会再到我老公所属街道盖章确认!街道办事嘅人都话我老公村委会嘅人无中生事根本不需要佢做咁多野!就系咁拖延左我翻大良街办出公示同准生证嘅时间,错过了12周建档嘅免费孕检卡!当时没有孕检卡,费用系1500几。依家讲下我今次二胎嘅准生证!我系7周几嘅时候居委会计生嘅人就打电话俾我人民医院通知佢地我怀孕叫我去办二胎准生证,我当时好抗拒,因为第一次经历不好,就问清楚计生个人,佢话依家不需要去男方村委办理!很快就可以大概一个星期就处理好!最后拿住居委会俾你嘅个张申请表格去街道办盖章拿免费孕检卡就得啦!尽量系12周之前办好,再去到人民医院建档,建档我比较建议提前一个月预约挂号,又可以去到先挂号不过比较长时间,最少要走医院三日!(我就系经历过错误所以提醒各位)然后话俾护士知你建档,带齐户口本,身份证,结婚证,二胎要带一胎准生证!12周之前照嘅b超,如果无复印护士会话俾你知去一楼小卖部识得点复印。之前护士会话你知填边d资料,就会指你去关于脐带血捐献同保存讲解!听完填好资料俾翻护士分诊!分诊到医生之后医生会问你有无社保,佢会开张预产期证明俾你,然后叫你办好就诊确认再去开所有检验单,社保系产科门诊分诊台最后一个窗口!好简单快捷,基本上带齐第一次系居委会要资料就不会出错!就诊确认好翻翻医生个度开第一产检嘅单同16周之后做嘅唐筛同六个月嘅三维b超单,如果孕检卡同社保都有嘅话大概费用五百几左右!我双胎,建档个时医生开b超单俾我只系开单胎,所以我第一次买单系三百几蚊,后来照b超个时个医生话双胎要补钱,退原来嘅单200几蚊补翻百几蚊,所以大概计大数系五百几左右!写出黎同大家分享希望对未够12周嘅妈妈有作用同做好准备!我建议尽量提早一个月预约挂号,因为建档当日要空腹验血同预约12周到14周之内嘅NTb超。因为NT过了14周做系无意义,NT系胎儿颈部透明层嘅厚度,如果超过3cm可能不正常!还有由于二胎开放嘅关系,所有b超都要提前预约!不是当日建档当日做!我一胎个时就可以即日做!今次二胎我第二次产检提前两个星期预约11号系完全无号挂到,亦不知道双胎要每个月最少照一次,第一次没有一起开埋单第二次b超嘅单去到预约要排队排到6月8号!我第二次产检系5月11号!我六月中有一个三维b超,所以去到六月八号无意义,托关系都5得,最后揾到医生写加急,都食左一面屁!所以各位孕妈自己做好准备,做产检开单时问下医生几时又b超要照尽量及早预约!不然就算你托人托关系b超室都不一定帮你安排!关乎于佢地工作量问题,费事食到一面屁!暂时我淋到咁多!我再霖到就加落去分享俾大家!暂时我孕周系18周,后面孕周嘅问题未必可以准确解答到大家,毕竟一胎同二胎医院嘅情况好大改变!都欢迎大家分享
更多>>
更多>>