囡囡快半歲啦,一直忙著湊都未有時間寫低~
預產期係2015年11月18日,4號晚上不停去廁所,幾乎無點訓過。平時都係一次,如果先晚飲左水就兩次,所以覺得好反常,但係覺得離預產期仲有十幾日,應該無咁快
5號早上大概六點多第N次去廁所,留心用紙巾抹有點紅紅的,傻更更咁挪住張紙巾行入房問阿媽咁樣係咪見紅,阿媽即時話拍醒細佬要去醫院
然後我打電話比老公同佢講叫佢翻黎,阿媽邊煮早餐邊叫我快快沖涼洗頭。一直都未有感覺,總覺得係詐糊,換好衫後個肚就隱隱痛,M痛的感覺。
因為老公在外地做生意,我平時在澳門工作,待產包都用一個箱裝好(奶瓶,奶粉,待產包,,一包NB碼紙尿片,吸奶器等等)放在新屋,當日就打電話叫老公細佬挪個箱去醫院,我直接從阿媽屋企出發去醫院,分頭行動⋯
去到醫院直接上7樓住院部,同護士講見紅,叫我去檢查室吸氧做胎監,話有宮縮安排住院,當時還是一兩個鐘頭痛一次,輕微的
去到產前區,三人房。放低物品無耐就叫去做B超,內建。內建我真的要憤怒了,太痛了,現在想起還是痛。檢查結果是個B起碼有6斤幾,胎頭高,要多走走~
回到病房後又被叫去咨詢室簽一大堆文件什麼拒絕剖腹產後果自負之類的
之後一直都在半個鐘頭輕微痛一次的狀態下。不停行樓梯、坐瑜珈球、盤坐等宮口開得快D
晚上開始十幾分鐘宮縮一次,夜晚大概11點多就睡了,三人房太吵了,唔習慣,碰巧隔壁床那人本來預約明早剖腹結果突然作動提早入手術室要收拾行李,很吵,大概一點多時收拾完畢以為可以睡結果自己穿羊水了,整張床都濕了,叫來護士換了身乾的衣服但沒有換床單,於是直到入產房前我的床還是濕的,那晚都幾凍要著羽絨
羊水穿後宮縮一直都是5分鍾痛一次,但護士說1~2分鐘先叫佢,於是一直忍忍到6號早上8點多,中途內建兩次還是只有1指,痛得我眼淚都狂流了⋯⋯無胃口吃東西兼且反胃嘔了,護士看我嘔了就推我去內建,又痛得我即時爆粗鬧個肥佬醫生,他還不斷慫恿我剖腹,話宮頭高,現在還是一指,要三指先可以打無痛嗶哩叭啦之前阿媽講過點痛都儘可能唔好剖腹,所以都還猶豫但真系好痛媽蛋~內建後推出產室,我老公就問我要唔要開刀,我還是猶豫,一方面係真心唔想,另一方面怕羊水穿了太久有意外。
當時係又累又痛畢竟已經兩晚沒睡,成個人訓係床度又無力又痛,好彩多得許思慧鼓勵我,而且護士姑娘幫我內檢,發現已經開四指可以入產房,當時已經是9點多了
這裏我必須吐槽一下,同是內檢,為毛個肥佬會檢得我痛到叫救命呢,人地姑娘都唔會咯,而且檢黎檢去都話先開得一指,你的拳頭真的可以做標準?shit!
入產房前簽一大堆野,痛到手都震,簽乜都唔知,佢叫簽就簽。許醫生還叫我老公陪我去溫馨產房陪住我,我覺得真心有必要,起碼隔離有個人陪著心裡踏實D,好過係多人的地方聽住人地叫驚餐S~
入到產房即時打了無痛,之前因為痛身體會不自覺咁震無辦法控制而且覺得好凍,打完後全身暖曬趕快訓一覺。助產士叫我老公買個營養包因為知道我之前嘔過無胃口,買黎補充下準備發動
都唔知過了多久,突然覺得好強烈的宮縮,然後同我講可以準備用力要我先慢慢呼吸,用了各種姿勢,痛的時候就憋著氣不要漏,很滑稽,有幾次我都笑得漏了氣,因為一直用錯方向去推個B出黎,搞左好耐,個B仲突然話心跳停左陣嚇得我,最終換了個姿勢,一陣感覺,醫生幫我側切,個肚一空就感覺有一團野流了出來,而老公在BB頭快出來時就被趕出產房。剛出來過了一陣才聽到哭聲,放在我心口度眼都紅了,之後兩個鐘的觀察,說我有點發熱不停喂我喝水和幫我換衣服,老公進來喂我喝湯
整個孕期無水腫,一直吐到生為止,孕前不夠80斤,產前一星期100多,女寶5.1斤,下午兩點多出生~
這就是我的順產經歷,現在想起還是痛
多謝我老公陪我入產房,要是自己一個真的沒有勇氣,而且生完出來唔會掛住睇個囡忽略我
更多>>
更多>>