我由順轉剖的經過，各位要加油！

10/4❤️👶BB終於出世了，果然同佢mami一樣係個守時的好孩子。不過就好似佢baba一樣係個惡魔仔😈要我由地獄再去更深層既地獄走反轉！尋日朝早10點到見紅，我就既刻沖涼洗頭食面行去鏡湖，點知做完一大輪檢查話我未有耐生趕左我反屋企等😞好失望，買多個綠豆沙反屋企食。後尾下就係屋企痛下醒下，食完飯再啲多個綠豆沙就開始黎了。好有規律的痛左我兩粒中，雖然佢叫我5分鐘一痛先好再去，不過我15分鐘兩痛都差不多吧。。。5分鐘一痛時我怕我唔識行了😰去到都好勉強收我入院。到左夜晚1點到，我已經痛到訓唔到，佢就話叫醫生安排針比我打，打左可以訓下。點知痛到我成3點打，加上打左仍然無得訓囉😱痛到我典典下。。。去到4點幾，有個產婦已經要生啦，我一路聽一路驚又一路痛！媽的！哥時我已經標曬冷汗，內檢宮口都係開得好小！我頂，呀囝你係咪耍我😭乖乖地出來嘛。。。一路不停痛到9點半，比人肛檢內檢左無數次，連羊水都唔穿，最後醫生伸個鉗入去整穿水，BB去左便便，羊水濁，加上仲係得8指，佢本身又大粒，順產條件非常不好，最後同我講去開刀😨我靠！我痛左十幾個鐘咪白痛？！仲要雙重体驗😭崩潰！後尾其實我已經痛到嘢都講唔到。10點半到呀B出來了，拎比我一睇，點解係我老公咁既樣嫁😡我生得你咁辛苦！我呷醋！姑娘比我錫左佢一啖後就抱走左佢😢我起碼要聽日落到床的話先可以睇到佢，無錯，比人係肚開一刀哥時真心唔痛，不過而家麻醉過後我真係痛到連吸氣都痛😭好啦！我打咁長就係想紀念一下自己人生唯一一個B的生產經過，我本人非常中意bb，不過依啲嘢真係一次就夠😭BB，你mami仿彿用左生兩個既力氣先生到你，你要乖乖豬，I love u a~❤️❤️❤️順帶一提，我38+1照bc是3.4kg。但整整40週出來是3.29kg。沒大反小，反而各位偏大偏小的寶媽可以多注意點。