本人8月29號係瑪嘉烈醫院順產,傷口係吸收線。本人自認為恢復得好快,傷口一早已經唔痛。但前晚突然傷口開始痛,郁下都痛,坐水泡都痛,行路都痛,小便都痛,水洗都痛!忍過一日後,今日去左診所睇醫生。醫生檢查完話:“d線吸收唔到喎,入面全部都係線頭。政府醫院而家係咁架啦,d針唔好,d線又粗,好多人都同你一樣架。”跟住醫生幫我剪左一條線頭後比我睇話:“d線頭咁粗,吸收唔到點會唔痛啊!”突然醫生又話:“你呢度有粒野突左出黎喎,呢個先係問題喎!有d發炎,有膿添。”冇錯,就係嗰粒野搞到我咁痛!醫生話:“你呢條線吸收左,但係入唔肉,而家係個表皮度,突左出黎,食d消炎藥睇下會唔會好d” 我真係想問,點解會咁!有冇人同我一樣啊?
更多>>
更多>>